शान्तिपूर्ण एवम् उत्साहजनक मतदान जारी

     शान्तिपूर्ण एवम् उत्साहजनक मतदान जारी 

 अर्घाखाँची जिल्लामा २० बर्ष पछि तीन नगरपालिका र तीन गाउँ पालिकाका ३ सय ३२ पदका लागि स्थानीय तहमा जनप्रतिनिधि चयन गर्न मतदान भइरहेको छ । तर, मध्यवर्षामा चुनाव परेकाले मतदाताले निकै हैरानी व्यहोर्नु परेता पनि बिहान ४ बजेदेखि नै मतदाताहरु उत्सुकता सहित लाइनमा बसेर भोट् हालिरहेका छन् ।

वर्षाका बाबजुत जिल्लामा शान्तिपूर्ण एवम् उत्साहजनक मतदान भईरहेको छ । अर्घाखाँची जिल्लाभर बिहान नै देखि पानी परेको छ । मतदानका लागि बिहान ७ बजेदेखि अपराहन ५ बजेसम्मको समय तोकिएको छ । उक्त अवधिमा मतदान केन्द्रमा प्रवेश गरेकाले मात्रै मतदान गर्न पाउने छ ।

जिल्ला निर्वाचन कार्यालयले अर्घाखाँची जिल्लामा मौसमले साथ दिएमा ७५ प्रतिशत सम्म मत खस्ने अनुमान गरेको छ । अर्घाखाँची जिल्लाका धेरैजसो मतदान केन्द्रबाट अर्घाखाँचीबासीहरु छाता ओडेर लाईनमा बसी मतदान गरिरहेका छन । विहानै देखि सिमसिम पानी परेसँगै उत्साहका साथ जिल्लाबासीले मतदान गरिरहेका छन ।

बिहान ७ बजेदेखि अर्घाखाँची जिल्लाभरका सवै मतदान केन्द्रबाट शान्तिपूर्ण रूपमा जिल्लाभर नै मतदान भईरहेको प्रमुख जिल्ला अधिकारी डिल्लीराज पोख्रेलले बताए । अर्घाखाँची जिल्लाभरमा १२ बजे सम्म २३ हजार ७०० मत खसिसकेको प्रमुख जिल्ला अधिकारी डिल्लीराज पोख्रेलले जानकारी दिए ।

अर्घा रज्स्थल मावी अर्घाबाट पुर्व उपप्रधानमन्त्री तथा माओवादिका नेता टोपबहादुर रायमाझी, पुर्व राज्यमन्त्री रेवती प्रसाद भुसाल, अर्घाखाँची आवाशिय उमावी बेलबाटीकाबाट पुर्ब मन्त्री मानबहादुर विकले मतदान गरेका छन । कांग्रेस केन्द्रिय सदस्य पुष्पा भुसालले सन्धिखर्कमा रहेको बालमन्दिर मतदान केन्द्रबाट मतदान गर्ने तयारीमा छन ।

जिल्लाबासी सिमसिम पानी परेपनी उत्साहका साथ मतदान गर्न बिहानैदेखी लाईनमा बसीरहेका छन । 

मोरङको विराटनगर महानगरका ७ वटा मतदान ८ बजे सम्म मतदान हुने भएको छ ।

६ हजार भन्दा धेरै मतदाता भएको पुसेट, शिक्षा मतदान केन्द्र तथा कञ्चनबारी लगायतका मतदान केन्द्रमा ममतदान सकिन् अझै ३ घण्टा लाग्ने भएको हो । ।

५ बजे सम्म मतदान गर्ने अवधि भएपनि मतदान नसकिएछि निर्वाचन अधिकृतको कार्यलयले ८ बजे सम्म मतदान गराउने निर्णय गरेको हो ।

छिनामखु केन्द्रबाट ९५ वर्षीय पहलमान राईले पहिलो मत खसाल्नुभएको छ ।

मुख्य निर्वाचन अधिकृत प्रकाश श्रेष्ठका अनुसार राईले आज ट्याम्केमयुङ गाउँपालिकाको छिनामखु मतदान केन्द्रबाट बिहान ठीक ७ बजे पहिलो मत खसाल्नुभएको हो ।
यसैगरी पूर्व सूचना तथा सञ्चारमन्त्री तथा नेकपा(एमाले)का नेता शेरधन राईले आमचोक गाउँपालिका–३ थिदिङ्खा केन्द्रबाट र पूर्व संस्कृति, पर्यटन तथा उड्डयनमन्त्री एवं एमाले नेता कृपाशुर शेर्पाले बोखिम मतदान केन्द्रबाट बिहानै मतदान गर्नुभएको छ ।

त्यस्तै नेकपा (माओवादी केन्द्र)का नेता तथा पूर्वसभासद् सुदन किराँतीले रामप्रसाद राई गाउँपालिका ओख्रे मतदान केन्द्रबाट र एमाले नेत्री एवं सांसद जयन्ती राईले अन्नपूर्ण मतदान केन्द्रबाट मतदान गर्नुभएको छ ।

बीस वर्षपछि हुन लागेकोे स्थानीय तह निर्वाचनका लागि यहाँका सबै ं केन्द्रमा उत्साहपूर्वक मतदान भइरहेको छ । सिमसिम पानी परे पनि मतदाता उत्साहपूर्वक सहभागी भएको सम्बन्धित केन्द्रका निर्वाचन अधिकृतले जानकारी दिनुभयो । नौ स्थानीय तह रहेको भोजपुरमा एक लाख पाँच हजार पाँच सय ५३ मतदाता छन् ।

अज्ञात समुहद्धारा मतदान केन्द्रलाई लक्षित गरेर फालिएको बमलाई प्रहरी हवल्दार दुर्गा बहादुर रानाले भुँइमा खस्न नपाउँदै समाएर दुर्घटना हुनबाट सबैलाई बचाएका छन् ।

दाङको तुल्सीपुरमा ३ मा रहेको अम्बास मतदान केन्द्रमा सुरक्षा दिइरहेका रानाले आफ्नो ज्यानको प्रवाह नगरी बम बाहिर फ्याकेर दुर्घटना हुनबाट बचाएर साहसी प्रहरी बनेका छन् ।

अहिलेसम्म कुन समुहले बम फ्याकेको भन्ने पत्ता नलागेको र उनीहरुको खोजविन भइरहेको पनि जिल्ला प्रहरी कार्यालय दाङका एसपी धिरज सिंहले संसारन्युज डटकमलाई बताए ।

रानाले हातले समाएर बाहिर फ्याक्ने बित्तिकै बम पड्किएको पनि त्यहाँ कुनैपनि क्षति नभएको पनि सिंहले बताए ।

सो मतदान केन्द्रमा उक्त समयमा  झण्डै १५० जना  मतदाता लाइनमा  थिए ।

 रोल्पा नगरपालिका-१० को भनभने मतदान केन्द्रमा एकजना मतदाताले मत खसाल्ने क्रममा मतपेटिकामा एसिड समेत खसालेका छन्। एसिडले मतपेटिका जलेको बताइएको छ। उक्त मतपेटिकामा ३ सयभन्दा बढी मत खसिसकेको अनुमान गरिएको मानवअधिकारवादी संस्था इन्सेक रोल्पाका जिल्ला प्रतिनिधि माधवकुमार ओलीले जानकारी गराएको सचिवालयले उल्लेख गरेको छ।

मतपेटिकामा आगो सल्किएको थियो। मतदाताले मतदानका क्रममा प्रज्वलनशील पदार्थ छोडेर गएकाले मतपेटिकामा आगो सल्किएको प्रहरीले जनाएको छ। 

नेत्रविक्रम चन्द विप्लव नेतृत्वको नेपाल कम्युनिस्ट पार्टीले मतदान  बिथोल्न मतदान केन्द्रमा कार्यकर्ता घुसाएर उक्त कार्य गराएको सुनसक्ने सुरक्षार्मीको अनुमान छ। (

भोट हाल्न लाइनमा बसेका एक जना मतदाताको मृत्यु  झापामा मतदानका लागि लाइनमा बसेका एक जना मतदाताको मृत्यु भएको छ । दमक नगरपालिका-१४ का ८१ वर्षीय नरेन्द्र भण्डारीको लाइनमै बसेका बेला मृत्यु भएको हो ।

उनी सरस्वती मावि मतदान केन्द्रबाट मतदानका लागि लाइनमा बसेका थिए । जिल्ला प्रहरी कार्यालय, झापाका प्रमुख एसपी शैलेश थापा क्षेत्रीले अनलाइनखबरलाई दिएको जानकारी अनुसार उनी बिरामी थिए ।

झिम्रुक गाउँ पालिका ५ कि जेष्ठ नागरिक अादर्णिय हजुर बाेई हेरिमि सुनार लाई मतदान केन्द्र तिर लैजादै

मसाल काे जित सुनेर माेर्ने रहर छ भन्नू हुन्छ उहा l

 पाँच नम्बर प्रदेश अन्तर्गत साविकको लुम्बिनी अञ्चलका जिल्लाहरूमा बिहान ११ बजे सम्म खसेको मत तथ्यांक प्राप्त भएको छ।

यो तथ्यांकमा पाल्पामा सबैभन्दा कम मत  १०,३२५ खसेको छ। सबैभन्दा धेरै मत रूपन्देहीमा खसेको छ ५५,६५२।

पाल्पाको तुलनामा रूपन्देहीमा खसेको मत पाँच गुणा बढी छ। पाल्पाको तुलनामा गुल्मी अर्घाखाँचीमा मत बढी खसेको छ। यो बिहान ११ बजेसम्मको खसेको मतको आंकडा हो। पश्चिमाञ्चल क्षेत्रीय प्रहरी कार्यालयले संकलन गरेको तथ्यांकको आधारमा ११ बजेसम्ममा कुन जिल्लामा कति मत खस्यो विवरणः

रुपन्देही : ५५,६५२

नवलपरासी : २९,४५२

कपिलवस्तू : २८,३३०

अर्घाखाँची : २३,७७८

गुल्मी : २१,६७८

पाल्पा : १०,३२५    मत खसेको 

मोरङ। मोरङको विराटनगर महानगरपालिका-३ स्थित कन्या क्याम्पस मतदान केन्द्रबाट बुधबार एक जना नक्कली मतदाता पक्राउ परेका छन्।

सोही ठाउँका नागरीक्ता नम्बर ०५१०६६\८१४५ र मतदाता नम्बर १५०४९४१४ क्रम संख्या ३०९६ को दुर्गा आचार्यको नाममा भोट हाल्न आएका उनकै काका सोही ठाउँका २९ बर्षिय पुरुषोतम आचार्य रहेका छन्।

उनलाई निर्वाचनमा खटिएको निर्वाचन टोलीले पक्राउ गरी प्रहरीलाई बुझाएको हो। घटनाबारे जिल्ला प्रहरी कार्यालय मोरङले थप अनुसन्धान गरीरहेको उक्त कार्यालयले जनाएको छ।

धनगढी। कैलालीको लम्की चुहा नगरपालिकाको कालिका मतदान केन्द्रमा मतदानका लागि लामबद्ध भएको अवस्थामा अत्यधिक गर्मीका कारण सात जना बेहोस भएकाका छन् । बेहोस भएका उनीहरुको उपचारपछि मतदान गरेको स्थानीय पत्रकार नवराज रावलले बताएका छन् ।

लम्की चुहा नगरपालिकाकी १०२ वर्षीया महेसरा जैसीले मोतीपुर मतदान केन्द्रबाट मतदान गरेकी छिन् ।

 

यसैगरी टीकापुर नगरपालिका— ५ की ९७ वर्षीया रङ्गा भण्डारीले मनिकापुर मतदान केन्द्रबाट मतदान गरिन् । जिल्लाका सबै स्थानीय तहमा निकै उत्साहका साथ शान्तिपूर्ण वातावरणमा मतदान भइरहेको प्रजिअ गोविन्दप्रसाद रिजालले बताए । मध्याह्न केही समय पानी परेपछि प्राप्त शीतलताबाट मतदाताले राहत महसुस गरेका छन् । 

मध्याह्नसम्म ५० देखि ५५ प्रतिशतसम्म मतदान भएको सम्बन्धित स्थानीय तहका निर्वाचन अधिकृतले बताए ।

काठमाडौं। स्थानीय तहको दोस्रो चरणको निर्वाचन अन्तर्गत प्रदेश नम्बर १, ५ र ७ का ३५ जिल्लाका ३३४ स्थानीय तहको निर्वाचनका लागि बुधबार बिहान ७ बजेदेखि जारी मतदान  साढे ११ बजेसम्म करिव ३३ प्रतिशत मत खसेको निर्वाचन आयोगले जनाएको छ।

निर्वाचन आयोगमा रहेको संयुक्त निर्वाचन परिचालन केन्द्र (जेइओसी) मा प्राप्त विवरण अनुसार हालसम्म सोलुखुम्बुमा ६० प्रतिशत, भोजपुरमा ५० प्रतिशत र खोटाङमा ५० प्रतिशत मत खसेको छ।

३३४ स्थानीय तहका सबै मतदान केन्द्रमा अहिले उत्साहजनकरुपमा मतदान भइरहेको आयोगले जनाएको छ। विहान ७ बजे शुरु भएको मतदान पाँच वजेसम्म जारी रहने छ।

अछाम। मतदानको लागि एउटै लाइनमा रहेका दुई महिलाले बच्चा जन्माएका छन् । अछामको रामारोशन गाउँपालिका–४ को बाटुलासैनस्थित जाताको नन्दकाली आधारभूत विद्यालयको ‘क’ मतदान केन्द्रमा भोट हाल्न लाइनमा लागेका दुवै महिलाले छोरा जन्माएका हुन् । रामारोशनकी २५ वर्षकी मीना बोहरा र शुभा दासले बच्चा जन्माएका हुन् । 

बुधबार बिहान ९ बजेतिर भोट हाल्नका लागि लाइनमा लागेकै बेला उनीहरुलाई सुत्केरी व्यथा लागेको थियो । व्यथा लागेपछि स्कुलकै छेउमा उनीहरुलाई सुत्केरी गराइएको हो । सुत्केरी भएको एक घण्टापछि मतदान गरेर उनीहरु घर फर्किएका मतदान अधिकृत तपेन्द्र विकले जानकारी दिए । बच्चा जन्माएका दुबै महिला र शिशु स्वस्थ रहेको प्रहरीले जनाएको छ ।

 नवलपरासी जिल्लाको केही मतदान केन्द्रमा सुरक्षाकर्मी र मतदान कर्माचारी मात्रै देखिए। मतदाता मतदान केन्द्रमा मत हाल्न आएनन्। 

निर्वाचनमा भाग नलिएको राष्ट्रिय जनता पार्टीका केन्द्रीय नेताको प्रभाव रहेका यहाँका केही मतदान केन्द्रमा दिउसो सम्ममा मतदान गर्न नगन्य मतदाता आएका छन्। कुनै केन्द्रमा २ जना कुनैमा ६ जनाले मात्रै मत हाले। सय भन्दा कम मत खस्ने मतदान केन्द्र अरू पनि छन्। 

जिल्लाको सरावल गाउँपालिका–६ जनता माध्यमिक विद्यालयको मतदान केन्द्रमा जम्मा दुई मत मात्रै खसेको आफ्ना प्रतिनिधिलाई उद्धृत गर्दै इन्सेकले जनाएको छ।

यो क्षेत्र राजपाको प्रभावमा रहेको मानिन्छ। यहाँका अन्य मतदान केन्द्रमा पनि उत्साहजनक मत खसेको छैन।

निर्वाचन बहिष्कार गर्ने घोषणा गरेको राष्ट्रिय जनता पार्टी नेपालका केन्द्रीय वरिष्ठ उपाध्यक्ष हृदयेश त्रिपाठीको गाउँमा पनि मतदाता केन्द्रमा गएनन्। त्यहाँको मतदान केन्द्र सुनसान छ।

त्रिपाठीको घर नजिकै रहेको जनजागृति माविको मतदान केन्द्रमा जम्मा ६८ मत मात्र खसेको निर्वाचन कर्मचारीले जानकारी दिए। त्यहाँको मतदान केन्द्रमा निर्वाचनका लागि खटिएका कर्मचारी र सुरक्षाकर्मी मात्र देखिएका छन्। उनीहरूले मतदाता कुरिरहेका छन्, तर मतदान केन्द्रमा उपस्थिति छैन।

त्रिपाठी सहित यहाँका राजपा नेताहरूले मतदातालाइ मतदानमा सहभागी नहुने अपिल गरेका छन्। मतदानमा भाग लिनु भन्दा त्यसको विरोधमा कालो झण्डा लिएर प्रदर्शन गर्न राजपाको गाउँमा कार्यकर्ता र समर्थकलाइ निर्देशन थियो।

थबाङबासीको उत्साहजनक सहभागितामा स्थानीय तह निर्वाचन सम्पन्न

थबाङ गाउँपालिका वडा नं. १ मा कुल मत १०७९ रहेकोमा ६७९ मत खसेको छ भने वडा नं. २ मा कुल मत १२१२ रहेकोमा ८२२ मत खसेको थबाङबाट पत्रकार मौसम रोकाले जानकारी दिनुभयो । वडा नं. १ र २ साविक थबाङ गाविसमा पर्दछन् भने वडा नं. ३ साविक मिरुल गाविस र वडा नं. ४ र ५ साविक उवा गाविसमा पर्दछन् ।

थबाङ गाउँपालिकामा कुल मतदाता ५ हजार ८ सय ५३ जना रहेका छन् ।

बाजुरा। बाजुरामा कांग्रेस एमाले कार्यकर्ताबीच भीडन्त भएपछि मतदाताको भागाभाग भएको छ । जिल्लाको बुढीगंगा नगरपालिकाको ब्रह्मलोतास्थित स्वास्थ्य चौकी मतदान केन्द्रमा दोहोरो झडप भएको हो । झडपपछि मतदान कार्य प्रभापित भएको छ ।