कतार नेपाली एकता समाजको लेवर सिटीमा एरिया समिति गठन ।
उद्धव मगर दोहा कतार – मिति २०१७÷०६÷१६ का दिन कतार नेपाली एकता समाजले सनैया ३८ लेवर सिटीमा एरिया समिति गठन गरेको छ । कतार नेपाली एकता समाजका बुद्धिजीवी विभागका सदस्य रेशम रोकको विशेष पहल र कतार नेपाली एकता समाजका अध्यक्ष लुमाकान्त पुनको प्रमुख आतिथ्यमा एक भेलाको आयोजना गरी विभिन्न विषयमा छलफल र प्रशिक्षण गर्दै ११ सदसीय एरिया समिति गठन गरेको छ । उक्त भेलामा विशेष उपस्थिती एकता समाजका प्रथम उपाध्यक्ष मदन श्रीस र अन्य अतिथीहरुमा बुद्धिजीवी विभागका कोषाध्यक्ष अग्नीधर उपाध्यय र सनैया डी एरिया समितिका कोषाध्यक्ष थम्मन पुनको पनि उपस्थिती रहेको थियो । भेलामा उपस्थित सम्पुर्ण सदस्यहरुको परिचयबाट शुरु गरिएको कार्यक्रममा उपस्थित मजदूर साथीहरुले कतारमा मजदुरहरुको अवस्था र कतार नेपाली एकता समाजको भूमिका लगाएत नेपाली राजदुतावासको विषयमा पनि जिज्ञासा राखेका थिए । यस विषयलाई प्रमुख अध्यक्ष लुमाकान्त पुनले उपस्थित सम्पूर्ण मजदूर साथीहरुलाई स्पस्ट पार्नु भएको थियो । साथै विशेष अतिथीहरुले संगठित भएका एरिया समितिका पदाधिकारीहरुलाई बधाई तथा शुभकामना दिनु भएको थियो । यस लेवर सिटी एरिया समितिमा ११ सदस्सीय रहेको छ जसमा अध्यक्ष, रेशम रोका (अर्घाखाची) उपाध्यक्ष, भक्त बहादुर पुन (बाग्लुङ्ग) सचिव, रोशन राई (झापा) कोषाध्यक्ष, उम बहादुर घर्ती (प्यूठान) सदस्यहरु ः– क्रमस जित बहादुर परियार (पर्वत) मिन बहादुर परियार (पर्वत) पदन बूढा (बाग्लुङ्ग) लिला बुढा (बाग्लुङ्ग) लेखनाथ के.सी (कपिलवस्तु) गिब बहादुर थापा(गुल्मी) गोर बहादुर थापा (गुल्मी) रहेका छन् ।
No comments:
Post a Comment