कविता
~~~~~~~~
चोरी किहिन लगैबो
............................
चोरी किहिन लगैबो
टुँ अो मैँ अप्नह चोर हुइ कलसे ।
लडियाक पानीसँग पुहाडेलि
आपन रितिथिति
टुँ अो मैँ जाक
नन्ली खोज खोजाक
फुलर्रियाक फूला छोर्क
दुकानक् फूला मन परल्
आनक् पहिरन् भर परल्
मडराक् ताल पठाडेलि
बस्याक् धुन बयालक्सँगे
डुरेडुर बहाडेलि
चोराक नन्लि ढ्याबर ढुबर
चोरी किहिन लगैबो
टुँ अो मैँ अप्नह चोर हुइ कलसे ।
नैइ जन्लि फरछ्वार डगर
पैँठलि खोल्टिखाबर
अोजर्रियाम् आँख मुन्क
छम्टि पुग्लि अँढर्रियाम्
डिया बुटाक अँढर्रिया राट
पाछ पछ्टैना हुइटा बाट
चोरी किहिन लगैबो
टुँ अो मैँ अप्नहँ चोर हुइकलसे ।
हम्र हिँ छोर्डेलि नाच
हुर्डुङ्ग्या,छोक्रा,बर्कानाच्
झुम्रा नाच,नुकाक कोण्टिम्
हेर्टा मोकाक् सहारा अँगनम्
बरेजोर्से छट्कटा
मनैन् झस्कोइना
डिस्को नाच्
चोरी किहिन् लगैबो
टुँ अो मैँ अप्नहँ चोर हुइकलसे
No comments:
Post a Comment