रुपन्देहीका अधिकांश क्षेत्र डुवानमा, तिनाउ माथिको झोलुङगे बगाएको छ  

लगातार परेको अविरल बर्षाका कारण रुपन्देहीको जनजीवन प्रभावित बनेको छ । बर्षाका कारण रुपन्देहीका अधिकांश क्षेत्रहरु डुवानमा परेका छन् भने बाढिमा परेकाहरुलाई प्रहरीले उद्धार गरेको छ । बाढिका कारण मानविय क्षती नभएपनि भौतीक क्षती भने भएको छ । लगातार परेको अविरल वर्षाका कारण तिनाउ नदीमा आएको बाढीले बुटवल उपमहानगरपालिका–१३ स्थित झोलुङ्गे पुल बगाएको छ । देवीनगर र बुद्धनगर जोड्ने झोलुङ्गे पुल किनारको जमिन नदीले कटान गर्दै जाँदा ढलेको जिल्ला प्रहरी कार्यालय रुपन्देहीका प्रहरी नायव उपरीक्षक महेन्द्र खड्काले जानकारी दिनुभयो । सोमबार रातिदेखि परेको अविरल वर्षासँगै आएको बाढीले नदी किनारका बस्ती जोखिममा परेको र उद्धारमा खटिएका प्रहरी जाँदै गर्दा पुल भत्किएपछि वडा प्रहरी कार्यालय बुटवलका प्रहरी हरिनारायण चौधरी पुलसँगै खसेर घाइते भएका छन् । तिनाउमा आएको अनियन्त्रित बाढी घरका पक्की पर्खाल, जाली र ठोकर भत्काएर बस्तीमा पसेको हो । प्रहरीले बाढीबाट तिनाउ किनारमा रहेका १६ टोलका छ हजार बढी व्यक्ति जोखिममा रहेको अनुमान गरेको छ । पुल बगाउँदा उपमहानगरपालिकासँग तिनाउपारिको बुद्धनगरका वासिन्दालाई जोड्ने जोड्ने प्रमुख माध्यम अवरुद्ध भएको छ । यसबाट बुटवल आवतजावत गर्न बुटवलका मोतीपुर, सेमलार, फर्साटिकर लगायत क्षेत्रका जनता प्रभावित भएका छन् ।

ओमानमा २०३औं भानु जयन्ती भब्यताका साथ सम्पन्न"

ओमानमा २०३औं भानु जयन्ती भब्यताका साथ सम्पन्न"

मस्कट, ओमान

 

" सकिन्छ साहित्य सृजना गरौ , सकिन्न साहित्यको संरक्षण गरौं " भन्ने मुल नाराका साथ अन्तर्राष्ट्रिय नेपाली साहित्य समाज ओमान च्याप्टर को आयोजनामा गत शुक्रवार १५ जुलाई २०१६ का दिन २०३ औं भानु जयन्ती एक कार्यक्रमका बिच भब्यताका साथ सम्पन्न भएको छ । ओमान को राजधानी मस्कट स्थित हाईएष्ट माउन्टेन रेष्टुरेन्ट मा आयोजित उक्त कार्यक्रम अन्तर्राष्ट्रिय नेपाली साहित्य समाज ओमान च्याप्टरका अध्यक्ष दिल प्रसाद पौडेलको सभापतित्व तथा सुशील पुन " बिरही " को सन्चालनमा सम्पन्न भएको थियो ।

          मुना नेपाल को स्वागत मन्तब्य पछि एक मिनेट मौन धारण संगै राष्ट्रिय गान  गाएर अगाडि बढेको सो कार्यक्रमको उदघाटन प्रमुख अतिथी समेत रहनुभएका अन्तर्राष्ट्रिय नेपाली साहित्य समाजका आजिवन सदस्य वसन्त नेपालले गर्नुभएको थियो । प्रमुख अतिथिको आसनबाट बोल्नुहुदै नेपाल ले प्रवासमा छताछुल्ल छरिएका साहित्यिक प्रतिभाहरुलाई एकतृत गरेर नेपाली भाषा र साहित्यको संरक्षण र जगेर्ना गर्ने उद्देश्यका साथ साहित्यिक संस्था गठन गर्नुपरेको स्पष्ट पार्नु भएको थियो । उहाँले अगाडि भन्नुभयो सामाजिक रुपान्तरणमा वा हरेक परिवेश र परिस्थितिमा साहित्यले प्रभाव पार्ने बताउदै सम्पुर्ण साहित्य अनुरागीहरुलाई हौसला प्रोत्साहनमा जोड दिनुपर्ने बताउनुभएको थियो ।  

यहाँ गठित सबै संघ संस्था र साहित्यिक मनहरुकै समर्थन एबं सहयोगले पहिलो कार्यक्रम सम्पन्न हुन लागेको जानकारी दिनुभएको थियो ।

              कार्यक्रममा  ओमान स्थित विभिन्न राजनैतिक , जातिय तथा सामाजिक संघ संस्थाहरुका प्रतिनिधि तथा पत्रकारहरुको पनि उपस्थिति रहेको  थियो । अतिथिको आसनबाट बोल्नुहुदै सबैको एउटै कथन थियो । समाजमा जनचेतना जगाउने र शिक्षामुलक साहित्य सृजना गर्न सके सामाजिक तथा राष्ट्रिय परिवर्तन मा योगदान मिल्ने औल्याउदै माया प्रेमका शब्दहरुलाई थांती राखेर केही परिवर्तनशिल बाक्यांश प्रयोग गरिएका रचनाहरु प्रस्तुत गर्न सके साहित्य अझ फस्टाउने धारणा राख्नुभएको थियो ।

                 नेपाली समाज ओमान , गैर आवासीय नेपाली संघ ओमान , महिला समूह ओमान , प्रवासी नेपाली मञ्च ओमान , जनप्रगतिशिल मञ्च , ओमान नेपाली एकता समाज , बुद्ध भिजन ओमान , दलित एकता संजाल ओमान , जन सम्पर्क समिती ओमान लगाएत विभिन्न जातिय तथा सामाजिक संस्थाहरुको उपस्थिती रहेको थियो भने दर्शक श्रोताहरुको पनि उल्लेख्य सहभागिता रहेको थियो । करिब एक दर्जन साहित्यिक श्रष्टा हरुले कबिता र गजल बाचन एबम गजल गाएर कार्यक्रम लाई थप रोचक बनाएका थिए । मध्यान्ह बाह्र बजेबाट शुरु भएको उक्त कार्यक्रम सांझ पाँच बजेसम्म रहेको र उपस्थित सबै महानुभावहरु बाट समाजका लागि करीब १५० ओमानी रियल ( नेपाली ४२ हजार ) रकम सहयोग संकलन भएको थियो ।

              आगामी दिनहरुमा नेपालबाट उछिट्टिएका भावनाका बाछिटा हरुले मरुभुमीमा साहित्यिक सिंचाई गर्न सक्ने अठोटका साथ गठन भएको समाजलाई माया गरि कार्यक्रम सब्य , भब्य र सफल पार्न सहयोग गर्नुहुने सबैप्रती आभार अनि कृतज्ञता प्रकट गर्दै सभापतिद्वारा कार्यक्रम समापन भएको थियो ।

ओमानका नेपालीद्वारा डा. केसीको भोक हडतालप्रति ऐक्यवद्धता

ओमानका नेपालीद्वारा डा. केसीको भोक हडतालप्रति ऐक्यवद्धता

                          
मस्कट ओमान । 

चिकित्सा क्षेत्रमा व्याप्त चरम विकृतिहरु र भ्रष्टाचारको अन्त्यको माग गर्दै आमरण अनसनप्रति नेपालमा व्यापक जनसमर्थन छ । त्यतिमात्रै होइन, उनको अनसनप्रति वैदेशिक रोजगारीको सिलसिलामा ओमान पुगेका नेपालीहरुले पनि ऐक्यवद्धता जनाएका छन् ।

ओमान नेपाली एकता समाजका अध्यक्ष छविलाल बस्नेतले एक विज्ञप्ति जारी गरी डा. केसीको आमरण अनसनप्रति ऐक्यवद्धता जनाएका हुन् । अध्यक्ष बस्नेतद्वारा जारी विज्ञप्तिमा भनिएको छ, “डा. केसीको स्वास्थ्य अवस्था दिनप्रति दिन गम्भीर बन्दै गइरहेको हुँदा सरकारले यस बिषयमा तत्काल कदम चाल्न हामी जोडदार माग गर्दै यो सम्वेदनशील बिषयमा सम्पूर्ण प्रवासी तथा स्वदेशी सचेत नागरिकहरु तथा संघसंगठनहरुलाई उनको मागप्रति ऐक्यबद्धता जनाउन समेत यसै बक्तब्य मार्फत हार्दिक अपिल गर्दछौं ।”

विज्ञप्तिमा चिकित्सा क्षेत्रमा ब्याप्त चरम भ्रष्टाचारको अन्त्यको माग गर्दै अनसनरत डाक्टर गोबिन्द केसीको माग अति जायज भएको हुनाले नेपाल सरकारले अबिलम्ब सो मागको सम्बोधन गर्न समाजले सरकारसँग माग गरेको छ । साथै नेपालमा ब्याप्त निजी क्षेत्रको मेडिकल कलेजहरु खारेज गरी सरकारी क्षेत्रबाट नै सञ्चालन गर्ने प्रावधान अघि बढाउन समेत विज्ञप्तिमा माग गरिएको छ ।

पछिल्लो समय आइतवार सरकार र डा. गोविन्द केसीबीच ४ बुँदे सहमति भइसकेको छ । उक्त सहमतिपछि डा. केसीले आज दिउँसो २ बजे आमरण अनसन तोड्ने कार्यक्रम रहेको छ ।

ओमानमा छुवाछुत र जातिय बिभेदको चिन्ता 

“दलित एकता आजको आवश्यकता, छुवाछुत मुक्त समाज निर्माणका लागि सम्पुर्ण नेपालीको सहभागिता” भन्ने मुल नाराका साथ दलित एकता संजाल ओमानले भेटघाट तथा चियापान कार्यक्रम सम्पन्न गरेको छ ।

मस्कट स्थित मदिना काबुसमा अवस्थित हाईएष्ट माउन्टेन रेस्टुरेन्टमा आयोजित कार्यक्रममा बोल्दै सहभागिहरुले आफ्नो सोच परिवर्तन गर्दै परिवार अनि समाजबाट छुवाछूत र जातिय विभेद अन्त्य गर्न भाषण मात्र गरेर मात्रै नहुने बताउदै यसलाई ब्यबहारमा उतारेर अगाडि बढ्न सकेमा मात्र यो प्रथा को अन्त्य हुने औल्याएका थिए । उनीहरुले छुवाछुत तथा जातिय पथ्रा बारे सबैलाई जनचेतना अभिवृद्धि र शिक्षामुलक तरिकाबाट सचेत गराउनुपर्नेमा जोड दिए । 

संजालका अध्यक्ष मान बहादुर बराइलीको अध्यक्षता, संजाजलका सचिव शान्तमान विकको स्वागत, ओमनका लागि नेपाली कार्यवाहक राजदुत रोजिना ताम्राकारको प्रमुख आथित्यता एवम् संजालका महासचिव उमेश बि.कको सञ्चालनमा भएको कार्यक्रममा बोल्नुहुदै प्रमुख अतिथी ताम्राकारले बिद्यमान सामाजिक परिबेशमा ब्याप्त जातिय भेदभाव र बिभेदलाई सवै मिलेर समाधानको बाटोमा लाग्नु पर्नेमा जोड दिनु भयो । उहाले सबैको मानसपटलमा मान्छे मान्छे एउटै हो भन्ने चिन्तन सबैमा जागृत गराउन सके नेपालबाट छुवाछुत प्रथाको अन्त्य हुने बिचार ब्यक्त गर्नुभयो । यसको लागि प्रवासबाट पनि संजालको माध्यामबाट स्वदेश सम्म आवाज बुलन्द गर्दै परिवर्तनको दिशामा अगाडि बढ्न सकोस भन्ने शुभकामना पनि दिनुभयो । 

कार्यक्रममा ओमान स्थित विभिन्न संघ संस्थाहरु नेपाली समाज ओमानका अध्यक्ष  इच्छा राई, गैर आवासिय नेपाली संघ बाट अन्जु लामा, प्रवासी नेपाली मञ्च बाट अध्यक्ष गगन कार्की, जनप्रगतिशिल मञ्च ओमानको तर्फबाट अध्यक्ष पदम प्रसाद अर्याल, जनसम्पर्क समिती ओमानका फर्शुराम पोख्रेल, ओमान नेपाली एकता समाज बाट अध्यक्ष छबिलाल बस्नेत, महिला समूह ओमानकि प्रतिनिधि गोमा थापा, बुद्ध भिजन ओमानका ओमकार तामाङ तथा अन्तर्रा्ष्ट्रिय नेपाली साहित्य समाज ओमानको तर्फबाट दिल प्रसाद पौडेल एबम पत्रकारद्वय जि बि लामा, वसन्त नेपाल तथा शालिकराम आचार्य समाजसेवी तोलाकान्त भट्टराई लगायत मगर संघ ओमान, तमु समाज ओमान र तामाङ समाजका प्रतिनिधि हरुको पनि उपस्थिति रहेको थियो ।

कार्यक्रममा दलित एकता संजाल ओमानका सललाह क्षेत्रीय समितिका प्रतिनिधि सुरेश परियार तथा शुभचिन्तक सागर अधिकारीले पनि आआफ्ना बिचार ब्यक्त गर्नुभएको थियो । 

सो अबसरमा सास्कृतिक प्रस्तुती पनि राखिएको थियो । तुला गिरीको कर्णप्रीय आवाजमा “मान्छे मान्छे एउटै हो फरक किन भो” बोलको गितले उपस्थित दर्शकलाई केही समय भावुक समेत बनाएको थियो । संजालको सार्वजनिक रुपमा आयोजना गरिएको पहिलो कार्यक्रम भएपनी दर्शकहरुको उल्लेख्य सहभागिता रहेको थियो ।  

अाेमा नेपाली एकता समाजको प्रथम राष्ट्रिय सम्मेलन भब्यताका साथ सम्पन्न

अाेमा नेपाली एकता समाजको प्रथम राष्ट्रिय सम्मेलन भब्यताका साथ सम्पन्न

मस्कट,ओमान

८ जुलाई २०१६ का दिन ओमान नेपाली एकता समाजको "प्रथम ऐतिहासिक राष्ट्रिय सम्मेलन" समापन तथा घोषणा सभा भब्यता सम्पन्न भएको छ ।

नेपाली राजदूतावासकी  कार्यबाहक राजदूत रोजिना ताम्राकारको विशिष्ट आतिथ्य तथा अन्तर्राष्ट्रिय नेपाली एकता समाजका केन्द्रिय कोषाध्यक्ष शोभाकान्त लामिछानेको प्रमुख आतिथ्य रहेको कार्यक्रम जिबि लामाको सञ्चालनमा अघि बढेको उक्त  समारोहको अध्यक्षता भिमलाल गिरीको रहेको थियो ।

  देश र जनताको निम्ति आफ्नो प्राणको आहुति दिने ज्ञात अज्ञात सहिदहरु प्रति एक मिनेट मौनधारण पश्चात् नेपाली राष्ट्रिय गानका साथ प्रमुख अतिथि तथा विशिष्ट अतिथिद्वारा दिप प्रज्वलन गरि औपचारिक रुप शुरूवात गरिएको उक्त  समारोहमा भिम प्रसाद भट्टराईले स्वागत मन्तब्य र रक्तिम परिवारद्वारा स्वागत गीत प्रस्तुत गरिएको थियो ।

  प्रमुख अतिथि शोभाकान्त लामिछाने द्वारा प्रथम राष्ट्रिय सम्मेलनद्वारा निर्वाचित कार्यसमितिको घोषणा का साथै  पद, गाेपनियता तथा जिम्मेवारीको सपथ गराईएको थियो । 

राष्ट्रिय सम्मेलनले छबिलाल बस्नेतको अध्यक्षता १९ सदस्यीय पूर्ण र ५ बैकल्पिक गरि २४ सदस्यीय केन्द्रीय समितिको गठन गरेको छ ।

साथै तीन सदस्यीय सल्लाहकार समितिको पनि चयन गरिएको छ ।

जसअनुसार प्रथम उपाध्यक्ष जि.बि लामा(रामेछाप), द्वितीय उपाध्यक्ष राम कुमार चौधरी(दाङ), महासचिव ईन्द्रलाल खनाल(बागलुङ), सचिब भिम प्रसाद भट्टराई (सर्लाही), कोषाध्यक्ष तुलसीराम खनाल(बाग्लुङ), सह-कोषाध्यक्ष लक्ष्मी रायमाझी(अर्घाखाँची) रहेका छन् । 

सदस्यहरुमा गीता लिम्बू(तेह्रथुम), मनु सुनार(तनहुँ), कमला ज्ञवाली(चितवन), नारायण ज्ञवाली(चितवन), दिल प्रसाद पौडेल(बाग्लुङ),  नमराज आचार्य(अर्घाखाँची),  कुर्वान अलि(झापा),  बुद्ध बिक(पाल्पा), 

लोकेन्द्र सुनुवार(सिन्धुली), कुल बहादुर परियार(बागलुङ) र मेख बहादुर खत्री(अर्घाखाँची) र भिमलाल गिरी(कपिलवस्तु) रहेका छन् । बैकल्पिक सदस्यहरुमा जय कुमारी थापा(झापा), लालु सुनार(नवलपरासी), गुनाखर खनाल(बागलुङ),  दिल बहादुर बि क (बागलुङ) दुर्गा गिरी(बागलुङ) रहेका छन । त्यसैगरी सल्लाहकारहरुमा शोभाकान्त लामिछाने, बिष्णु अर्याल र शालिकराम आचार्य रहेका छन् । 

त्यस्तै गरि महिला बिभागमा गीता लिम्बूको अध्यक्षतामा ९ सदस्यीय कार्यसमितिको चयन गरिएको छ । जसअनुसार उपाध्यक्ष मनु सुनार, सचिब कमला ज्ञवाली, कोषाध्यक्ष जय कुमारी थापा, सदस्यहरु मन्जु बानिया, कुमारी तितुङ, रिता चौधरी, साबित्रा पोख्रेल र कुमारी गुरुङ रहेका छन् सल्लाहकारमा लक्ष्मी रायमाझी तथा छविलाल बस्नेत रहेका छन ।

ओमान नेपाली एकता समाजको साँस्कृतिक बिभाग(रक्तिम परिवार ओमान)मा अध्यक्ष नारायण ज्ञवाली, सचिब लक्ष्मण हमाल, कोषाध्यक्ष कुल बहादुर परियार, मनु सुनार, नमराज आचार्य, जय कुमारी थापा, भिमलाल गिरी, लक्ष्मी रायमाझी र गीता लिम्बू तथा सल्लाहकारमा छविलाल बस्नेत, ईन्द्रलाल खनाल र शालिकराम आचार्य रहेका छन ।

त्यसैगरि खेलकुद बिभागमा अध्यक्ष दिल प्रसाद पौडेल, उपाध्यक्ष थम बहादुर परियार, सचिब लक्ष्मण हमाल, कोषाध्यक्ष बुद्ध बि क, सदस्यहरु तुलसीराम खनाल, दिपक रम्तेल र केशव खत्री रहेका छन् ।

 ओमान नेपाली एकता समाजको  निर्वाचित कार्यसमितिलाई शुभकामना दिने क्रममा विशिष्ट अतिथि कार्यबाहक राजदूत रोजिना ताम्राकारले प्रवासमा हामी एक जुट भएर रहनु नै नेपालीको पहिचान हो भन्दै जुनसुकै आस्था र बिचारको संघसंगठनसंग नजिक भएतापनि नेपालिहरुको हित र समस्या समाधानको निम्ति हामी सधैं एकताबद्द भएर अगाडि बढ्नु पर्ने कुरामा जोड दिदै त्यसकार्यमा दूतावासको पनि सदा साथ रहि रहने बताईन । साथै यो प्रथम राष्ट्रिय सम्मेलनले एकता समाजले आफ्नै नाम अनुसार सबै नेपालीहरुलाई एकताबद्द गरि सबैको हित र सहयोग गर्न सफल रहोस् भन्ने शुभेच्छा प्रकट गर्रियो ।

   प्रमुख अतिथि शोभाकान्त लामिछानेले सन् २००७ डिसेम्बरमा स्थापना भएको ओमान नेपाली एकता समाजले श्रमजीवी मजदूरहरुको पक्षमा काम गर्दै आईरहेको हुनाले तीनै मजदूरहरुको साथले आज प्रथम ऐतिहासिक राष्ट्रिय सम्मेलन सम्पन्न गर्न सफल भयकाे बताए । लामिछानेले जाेडे आज आम युवाहरू जति सबै बिदेशिएको हुनाले देश युवाबिहिन अवस्था पुगेको र अन्तर्राष्ट्रिय श्रम बजारमा नेपाल मजदूर उत्पादन गर्ने कारखाना जस्तै भएको हुँदा आम प्रवासी युवाहरूले देशको निम्ति सोच्ने बेला आएकोले अब चुप लागेर बस्न नहुने बिचार व्यक्त गर्दै संविधान सभाको चुनाव पश्चात् संविधान प्राप्त गरेपनि राज्यको पुनर्संरचना बिषयमा संघीयताले मुलुकलाई अन्योल र दिशाहिन अवस्थामा पुर्याएको छ । नेपालको सदर्भमा संघीयता जनताको अधिकार प्राप्तिको लागि नभई केही ठुला ठालुहरुले छुट्टै राज्यको नाममा आफू मुख्य मन्त्री भएर हालीमुहाली गर्ने चाल भएको जिकिर गरे । उनले एकत्माक राज्य ब्यवस्थामा पनि शक्ति बिकेन्द्रित गरेर स्थानिय तहमा जनतालाई अधिकार सम्पन्न बनाउन सकिने बताउदै छिमेकी मुलुक चीनमा एकात्मक शासन ब्यवस्थामा पनि हरेक भाषि र जनजातिहरु अधिकार सम्पन्न भएको उदाहरण दियका थिए । तसर्थ नेपालमा संघीयताको नाममा जनतामा भ्रम छर्दै जनताकै अधिकार अपहरण गर्ने चालबाजि भएको हुनाले यस बिषयमा जनतालाई सचेत गराउनु पर्ने कुरामा जोड दिनु पर्ने बताए । नवनिर्वाचित कार्यसमितिले सम्पूर्ण प्रवासी नेपालीहरुको हितमा अझ प्रभावकारी कार्यहरु गर्दै समुन्नत समाज निर्माणमा योगदान पुर्याउन सक्ने बिश्वास व्यक्त गरेका थिय ।

संयुक्त बैचारिक सयन्त्र ओमानका प्रतिनिधि तुला गिरीले ओमानका नेपालीहरुमाझ स्थापित यस सयन्त्र कुनै नयाँ संस्था नभएर बिशेष गरि प्रवासी नेपालीहरु हक हितको लागि प्रभावकारी ढङ्गले काम गर्न र सम्बन्धित निकायसम्म आवाज पुर्याउनको लागि चारवटा बैचारिक आस्थाको सङगठनहरुको साझा मोर्चा भएको कुरा बताउदै नेपालीहरुको हितमा नै समर्पित भएको बताए । प्रवासी नेपाली मन्चका अध्यक्ष गगन कार्कीले नयाँ कार्यसमितिद्वारा प्रस्तुत भावी कार्य योजनामा भएका प्रवासी नेपालीहरुको हितको लागि हुने कार्यमा हातेमालो गरेर अघि बढ्ने बिचार व्यक्त गरेका थिए ।

सो अवसरमा नवनियुक्त अध्यक्ष छबिलाल बस्नेत द्वारा दुई वर्षको कार्यकालको लागि भावी कार्ययोजना प्रस्तुत गर्दै आफ्नो कार्यकालमा  प्रवासी नेपालीहरुको हक अधिकार प्राप्तिको लागि निरन्तर रुपमा अझ सशक्त ढंगले लागि रहने साथै जनतन्त्र जनजिविका र राष्ट्रियताको सवाल स्वदेशमा हुने न्यायपूर्ण आन्दोलनमा समेत साथ दिन प्रतिबद्ध रहने बिचार ब्यक्त गरिएको थियो ।

सो समारोहमा जनप्रगतीशिल मन्च ओमानका महासचिव हेम आचार्य, नेपाली जनसम्पर्क समिति ओमानका सभापति फर्शुराम पोख्रेल, नेपाली समाज ओमानका अध्यक्ष ईच्छा राई, गैर आवासीय नेपाली संघ ओमानका लालु प्रसाद न्यौपाने, नेपाली महिला समूह ओमानका अध्यक्ष पार्वती श्रेष्ठ, बुद्ध भिजन ओमानका ओमकार तामाङ, तामाङ समाज ओमानका अध्यक्ष राम तामाङ, मगर संघ ओमानका ईश्वर राना, दलित एकता सन्जालका डम्बर बराईली, प्रवास खबरका सम्पादक वसन्त नेपाल, अन्तर्राष्ट्रिय साहित्य समाज ओमानका लक्ष्मण हमाल, ओमान नेपाली एकता समाज सललाह क्षेत्रीय समितिका सहसचिव दिपक क्षेत्री, अलखुवैर एरिया समितिका अध्यक्ष दिल प्रसाद पौडेल, रुसेल एरिया समितिका अध्यक्ष दिल बहादुर बिक, सीब एरिया समितिका यम प्रसाद पौडेल, कुरुम एरिया समितिका अध्यक्ष गुनाखर खनाल लगायतका अतिथिहरुले नवनिर्वाचित समितिलाई सफल कार्यकालको शुभकामना ब्यक्त गरेका थिए ।

कतार, बहराईन, इजरायलका एकता समाजहरुद्वारा पठाईएका शुभकामना सन्देशहरु पढेर सुनाईएको थियो । बिचबिचमा रक्तिम साँस्कृतिक ओमानका कलाकारहरुद्वारा जोशिला जनवादी गीत तथा नृत्यहरु प्रश्तुत गरिएको थियो । 

  प्रथम राष्ट्रिय सम्मेलन सफल पार्न उपस्थित सबै हार्दिक धन्यवाद दिदै अन्तमा सभाध्यक्ष भिमलाल गिरी द्वारा सभा समापन गरिएको थियो ।

एकता समाजको सललाह क्षेत्रीय समिति गठन

एकता समाजको सललाह क्षेत्रीय समिति गठन

ओमान, सललाह

 ७ जुलाई २०१६, का दिन अनेकतामा एकता संसारका मजदुर एक हाै भन्ने नाराका साथ प्रबासमा दुख: कष्ट गरि बसेका गरिबी र पिल्सीएका मजदुरहरू संगठित पार्दै  ओमान नेपाली एकता समाज केन्द्रीय समिति अन्तरगत प्रथम क्षेत्रीय समिति गठन गरिएको छ । 

प्रथम राष्ट्रिय सम्मेलनको पूर्व सन्ध्यामा राजधानी मस्कटबाट करिब एक हजार किलोमीटरको दूरीमा पर्ने सललाह शहरमा क्षेत्रीय समितिको निर्माण गरिएको छ ।

जुलाई ०७ का दिन नयाँ सललाहमा सम्पन्न भएको एक भेलाले सुरेश परियारको अध्यक्षता १७ सदस्यीय सललाह क्षेत्रीय समितिको गठन गरिएको हो । केन्द्रीय महासचिब जिबि लामा तथा केन्द्रिय सदस्यहरु नारायण ज्ञवाली र ईन्द्रलाई खनालको बिशेष उपस्थिति रहेको सो भेला सम्पन्न गराउन सुरेश परियार र छविलाल सुवेदीले विशेष पहल गर्नु भएको थियो ।

 नवगठित यो समितिमा अध्यक्ष सुरेश परियार सचिब मीन बहादुर लामिछाने,  सहसचिब दिपक भण्डारी, कोषाध्यक्ष कुश बहादुर झेडीमगर, सहकोषाध्य पुष्प श्रेष्ठ र सदस्यहरुमा हिरा बहादुर बाह्रघरे, टेकराज सापकोटा, राजु सुनार, संगीता परियार, रेशम गुरुङ, झबिन्द्र भुसाल, बिष्णु परियार, भरत भट्टराई, कमला परियार, प्रकाश गौतम र दुई स्थान रिक्त रहेका छन । साथै सोहि भेलाले छविलाल सुवेदी, सागर अधिकारी र छविलाल बस्नेत रहेको तीन सदस्यीय सल्लाहकार समितिको पनि गठन गरिएको छ ।

 भेलामा केन्द्रीय महासचिव जिबि लामा तथा सदस्य नारायण ज्ञवालीले प्रवासमा संगठन र मजदूर एकताको महत्व लगायत समसामयिक बिषयहरुमा प्रशिक्षण दिनु भएको थियो । नवनियुक्त अध्यक्ष सुरेश परियारले सललाह क्षेत्रमा कार्यरत नेपाली दाजुभाई तथा दिदीबहिनीहरुको हरेक कठिनाई तथा समस्यहरुमा हरदम साथ दिन तयार रहेको बिचार ब्यक्त गर्दै आगामी दिनमा संगठन बिस्तार र बिकासको लागि केन्द्रीय समितिसंग समन्वय गरि अघि बढ्ने प्रतिबद्दता ब्यक्त गर्नु भयो साथै संगठन बिस्तारका लागि आएका केन्द्रका प्रतिनिधिहरुलाई हार्दिक धन्यवाद दिदै निरन्तर रूपमा केन्द्रको साथ पाईरहने अपेक्षा राख्नु भयो ।

 भेलामा केन्द्रीय सदस्य तथा महिला बिभागकी सचिब कमला पन्थी र कुरुम एरिया समितिका अध्यक्ष गुनाखर खनालको पनि आतिथ्यता रहेका थिए । मुस्लिम पर्व ईद अलफित्रको विदाको अवसर पारेर गठित सललाह क्षेत्रमा ओमान नेपाली एकता समाजको यो पहिलो संगठन हो ।