ओमानमा दूतावासद्वारा महिलाहरुको लागि निशुल्क स्वास्थ्य शिबिर
ओमान क्यान्सर एसोशियसन, बरखत अल-नुर क्लिनिक तथा अल-हसार फार्मेसीको सहयोगमा विशेषज्ञहरुद्वारा स्तन परीक्षण सेवा प्रदान गर्न सो निःशुल्क स्वास्थ्य शिविर आयोजना गरिएको कुरा राजदूत शर्मिला पराजुली ढकालले बताउनु भएको छ ।
उहाँले स्वस्थ्य रहन पाउनु सबैको नैसर्गिक अधिकार हो भन्दै ओमानमा कार्यरत नेपाली महिला दिदीबहिनीहरुले आफ्नो स्वास्थ्य परिक्षणको यो अवसरले प्रत्यक्ष लाभ लिन पाओस् भन्ने दूतावास रहेको उदेश्य बताउनु भयो । साथै आगामी जनवरी १८ देखि शुरु हुने मस्कट महोत्सव पनि सो सेवा प्रदान गर्ने योजना रहेको जानकारी दिनु भयो । नेपालको कला सँस्कृति तथा पर्यटन प्रवर्द्धनमा टेवा पुर्याउने उदेश्यले आगामी महोत्सवमा दूतावासले विशेष स्टल राखिने जानकारी दिनु भयो । दूतावासबाट गरिदै आएको सबैकिसिमको कार्यमा नेपाली संघसंस्थाहरु र नेपालीहरुको उल्लेखनीय साथ रहेको जनाउदै आगामी दिनमा पनि यस्तै अपेक्षा राखेको बताउनुभयो ।
महामहिम ढकालद्वारा दीप प्रज्वल गरि समुदघाटन गरिएको सो समारोहको सञ्चालन प्रथम सचिब रोजिना ताम्राकारले गर्नु भएको थियो । औपचारिक कार्यक्रम शुरु हुनुपुर्व दुबै देशका राष्ट्रिय गान सहित नेपाली गीतमा नृत्यहरु पनि प्रस्तुत गरिएको थियो । सो अवसरमा ओमान क्यान्सर एसोसिएसनका अध्यक्ष डाक्टर वाहिद अल-खरासी र क्यान्सर रोग विशेषज्ञ डाक्टर राजीले क्यान्सर रोग सम्बन्धि महत्त्वपूर्ण भनाईहरु राख्नु भएको थियो ।
करिब सय जना नेपाली महिलाहरुले प्रत्यक्ष सेवा लिन सफल सो सिबिरमा पुरुषहरूले समेत निःशुल्क ब्लड सुगर र BMI परीक्षणको लाभ लिईएको थियो ।https://www.facebook.com/shalikrama/videos/1700024740029312/?hc_ref=ARTyUcsDafyP2CMfmlAboVcqCPjX5LG6pqg5jz2w6Cfz02lN1n5k6ko5cJGVb33Xi5M
https://www.facebook.com/shalikrama/videos/1700024740029312/?hc_ref=ARTyUcsDafyP2CMfmlAboVcqCPjX5LG6pqg5jz2w6Cfz02lN1n5k6ko5cJGVb33Xi5M
ReplyDelete