ओमानमा आदिकवि भानुभक्त आचार्य 
            द्धिशतबार्षिकी  समारोह सम्पन्न

शालीकराम आचार्य 
३ साउन २०७२  मसकट ओमान

ओमानमा आदिकवि भानुभक्त आचार्य द्धिशत बार्षिकी समारोह सम्पन्न  भएको छ । १ साउन २०७२ का दिन ओमानको राजधानी मस्कटको शाती कुरुम स्थित नेपाली दुताबासमा समारोह सम्पन्न गरीएको हो । सभाको अध्यक्षता भानुभक्त आचार्य द्धिशत बार्षिकी समारोहकी संयोजक मुना नेपाल श्रेष्ट रहेकी थिईन तथा प्रमुख अथितीमा कार्यवाहक राजदुत भरत कुमार रेग्मीको थियो भने संचालन सोमकृष्ण श्रेष्टले गरेका थिय ।
आदिकवि भानुभक्त आचार्य द्धिशत बार्षिकी समारोहमा ओमान स्थित संघ संस्थाहरुका प्रतिनिधी, ओमानको बिभिन्न सहरका कम्पनीमा कार्यरत साहित्यकार तथा श्राष्टाहरुको उल्लेखनीय उपस्थीती रहेको थियो।

कार्यक्रमका प्रमुख अतिथी कार्यबाहह राजदूत भरत राज रेग्मीले नेपाल सरकारबाट आदिकबि भानु झक्त आचार्यको जन्म जयन्ति मनाउँने बिश्वब्यापी अभियानमा दूताबास सकारात्मक रहेको र ओमानमा नेपाली भाषा र साहित्यको बिकाशमा सधै सक्रिय रहेको रहेको बताउनु भयो । “ यस्ता साहित्यिक कार्यक्रम आगामी दिनमा पनि गरिने छ” उहाँले भन्नु भयो —प्रवासमा पनि नेपाली सायित्य राम्रो संग फस्टाएको छ र खुङ्खार सायित्यकारहरुको जन्म भईसकेको छ , यो नेपाली भाषा र साहित्यमा नयाँ फड्को हो ।
प्रायजसो कविता तथा गजलकारहरु ले आफ्नो रचनारु बचन गरेका थिय । समारोहमा उपस्थित अतिथीहरु ले  आदिकवि भानुभक्त आचार्यको जीबनीवारे चर्चा गरेका थिय । सबै कवि तथा श्राष्टाहरु लाई उल्लेखनीय प्रस्तुतीका लागी प्रमुख अतिथी कार्यवाहक राजदुत भरत कुमार रेग्मी बाट सम्मान पत्र प्रदान गरिएको थियो । भानुभक्त आचार्य द्धिशत बार्षिकी समारोह  समितीको संयोजक तथा नेपाली दुताबास ओमानको प्रायोजकमा  कार्यक्रम सम्पन्न भएको होे ।  भानुभक्तको बारे भन्नु प्रदा भानुभक्तको जन्म धनञ्जय आचार्य  र धर्मावतीदेवीका पुत्रको रूपमा तनहूँको रम्घामा विक्रम सम्वत १८७१ असार २९ गते भएको थियो  । बाजे श्रीकृष्ण आचार्यबाट शिक्षा पाएका   भानुभक्तले एउटा घाँसीको घाँस काटेर पाटी पौवा बनाउने इच्छाबाट केही न केही गरी नाम कमाउने प्रेरणा पाएका थिए भन्ने भनाइ छ ।
भर् जन्म घाँस तिर मन् दिई धन कमायो
नाम क्यै रहोस् पछि भनेर कुवा खनायो ।।
घाँसी दरिद्र घरको तर बुद्धि कस्तो
म भानुभक्त धनी भैकन किन यस्तो।।
मेरा ईनार न त सत्तल पाटिकै छन्
जे धन चीजहरु छन् घर भित्रनै छन् ।।
त्यस घाँसीले कसरी आज दिए छ अर्ति
धिक्कार हो म कन बस्नु न राखि किर्ति ।।।

आदिकवि भानुभक्त आचार्य राष्ट्रिय विभूति मात्र नभएर नेपाली मूलका मानिसहरूका जातीय कवि तथा चेतनाका सम्वाहक पनि हुन् । नेपाली साहित्यको जग बसाल्ने भानुभक्तद्वारा भाषिक र साँस्कृतिक फाँटमा राष्ट्रिय एकताको लागि अभिनीत अहम् भूमिकाले गर्दा नै आदिकवि भानुभक्त  राष्ट्रको गौरव र विभूती बन्नपुगेका हुन् ।