२०७९ असोज ३ गते नेपालको राष्ट्रिय दिवस तथा संविधान दिवस शेराटन ओमान होटलमा रात्री भोज सहितको एक भब्य कार्यक्रम गरी मनाइयो ।
म्हामहिम राजदूत डोरनाथ अर्यालको संयोजंकत्व तथा कार्यक्रमको संचालन राजदूतावास का द्वितीय सचिव सोमेश थापाले गर्नु भएको थियो ।
राष्ट्रिय दिवस तथा संविधान दिवसको कार्यक्रममा स्वागत मन्तब्य दिंदै राजदूत डोरनाथ अर्यालले संविधानको महत्वपूर्ण विशेषताहरु, नेपाल र ओमान बीच रहेको सुमधुर सम्बन्ध माथि विशेष प्रकाश पार्नु भएको थियो । साथै राजदूत अर्यालले राजनीतिक स्थायीत्व पश्चात अहिले नेपालले आर्थिक, सामाजिक विकास तथा नेपालीहरुको समृद्धिको लागि आफ्नो प्राथमिकता र योजनाहरु केन्द्रित गरेको जानकारी गराउनु भयो ।
नेपालले छोटो समयमा नै विद्युत उत्पादनमा उल्लेख्नीय प्रगति गरेको र एक मेगावाट माथिका करिब २२० वटा भन्दा बढी आयोजना निर्माणधीन अवस्थामा रहेको र यसबाट ७००० मेगावाट भन्दा बढी विद्युत उत्पादन हुने तथ्य अवगत गराउनु भयो । राजदूत अर्यालले एकैसाथ थप निर्माण गरिएका दुई वटा अन्तरराष्ट्रिय विमानस्थल सहित तीन वटा अन्तरराष्ट्रिय विमानस्थलको निर्माणबाट पर्यटन र आर्थिक गतिविधिमा उल्लेख्य टेवा पुग्ने बताउनु भयो । उहाँले नेपाल विश्वका ठूला आर्थिक शक्ति राष्ट्रहरुको बीचमा रहेको र यसको रणनीतिक अवस्थिति व्यपार र लगानीको लागि ठूलो अवसरकोरुपमा रहेको बताउनु भयो । नेपालको अत्यन्त रमणीय प्राकृतिक सुन्दरता र सांस्कृतिक सम्पदाहरुको बारेमा चर्चा गर्दै नेपाल पर्यटकका लागि आकर्षक गन्तब्य भएको कुरा बताउनु भयो ।
सो कार्यक्रममा प्रमुख अतिथि र राजदूतले संयुक्तरुपमा केक काटी राष्ट्रिय दिवसको उत्सव मनाइको थियो । साथै नेपाली फुड कर्नर स्थापना गरेर नेपाली खानाहरु जस्तै मोमो, चिकेन छोएला, अचार आदि पस्किइएको थियो भने नेपाली हस्तकला तथा उत्पादनका सामानहरु प्रदर्शन गरिनुका साथै सभाहलको भित्र र बाहिर ठूला–ठूला पाँचबटा मोनिटरबाट नेपालको पर्यटन प्रर्वद्धन गर्ने भिडियोहरु नियमित रुपमा प्रशारण गरिएको थियो ।
 |
ओमान मध्यपूर्वमा तिब्रगतिमा फैलिरहेको कोरोना भाइरस कोभिड–१९ बाट प्रभावित नेपालीहरुको बारेमा तत् देशमा रहेका नेपाली दूतावासका राजदूतहरुको अनलाईन छलफल भएको छ ।
दूतावासले समस्या परेमा दूतावासको टेलिफोन नम्बर २४६९६१७७/२४६९६८८३, हटलाइन सेवा ७१५९२४९०/७१५३०८४० र श्रम सहचारीको ७१५९२५०६ मा पनि सम्पर्क गर्न अनुरोध गरेको छ ।
